Lirik Lagu Nias - TEBAI U’O’OZUI

Cipt: Solusi Trio

Awai moyo si lö afi
Fofanö nia ha ni lulugö nangi
Edanö i’ogamöi itaria ikhawisi
No ibabara ia hili-hili

Manö dödögu khöu nakhi
Hulö ndrulu nasi tobali-bali
Sambeka i’o'anöi no mendrua ifuli furi
Me tebai u’o’ozui wame’e li

Hauga fakhegu woloyo-loyo
Aitö guli ba danö worato
Enaö ö’olifuö ga’au ya’o
Enaö so niha si möi baomo

Hadia ube’e khöu fanema li
Ga’amö niha soriri
Sökhi obini wangali nakhi
He wa’ae tödöu tebai faröi

♬♬♬♬♬♬♬♬
♬ DOWNLOAD MP3 ♬
♬♬♬♬♬♬♬♬

Lirik Lagu Nias - I N A G U

Fatutu mbongi inagu ösawa nahia wemöröu
Ahono mboto tödöu lö aetu öfatou
Hewöisa wa’auri ndraonou
Me lö sa’ae lö samatohu lahe

U’ila nagu numana ba fa’oriri ni taögöu
Atata dölau he olofo lö faduliu
Meno so gohitö dödöu
Enaö möi sökhi mofozu wa’aurigu

Hadia ube’e sulö si tobali
fanörö tödö khöu nagu
Ufa’aso göfa sebua omo razo ube’e khöu
Usu’a danö wa’aröu mani-mani famohadu
Tebai nagu lö usöndra lö amawaö wa’omasiu

Lirik Lagu Nias - MAEDO-MAEDO

Böi olifu böi arörö.. Erai ngaluo ba döfimö
He talifusö alai da’ö.. Maniasa’ö ba ginötö

Sarörö’ö ba hokhamö.. Na so gefeu lö te’irö
He talifusö alai da’ö.. Sageu ya’ugö wo’ömö

He talifusö maedo-maedo ube’e khöu
Ya’o mege me awuyu
Ulafoyoi yawa mba’e ba hogu geu
No ukhamö ba wolangisi elefu

He talifusö asöndru dödö mongenu
Inötö tebai mbotogu
Urasoi wamelai asio lö mangulu
Ba me’u’usu dalu lada lö aetu

Hiza ube’e zinofu.. Haniha nitahigögu
Hiza ube’e zinofu.. Haniha nitahigögu

Lirik Lagu Nias - O’Ö LI ZATUAU

Vokal: Berys Tel

He mbotogu no aröu ba zingamö
Tödögu nakhi fa’omasigu no toröi khömö
He na tenga ya’ugö zanötö
Böi be’e salagu fefu da’ö lö mu’odödögö
Börö nakhi wehede safökhö..
Utaögö no simanö

Taria manö lö u’ila mörö
Wo’angeraigö wefao-faoda ba zilalö
Ba ha börö-börö niha bö’ö
Somasi khömö so’okhöta safönu fokhö
La’ua nakhi hadia uwa’ö.. Utaögö wa’abudödö

Börö wa’ailagu fa’anumanagu
Andrö ebuaö gahegu möido ba zaröu
Afökhö dödögu wamaigi ya’ugö
So niha bö’ö niha zi so moroi khögu

O’ö nakhi li zatuau.. O’ö nakhi li zatuau

Afökhö dödögu wamaigi ya’ugö
So niha bö’ö no mudadao so ba zingau
Falö alu’a li gu ha tawa hörögu
U’ezosi nakhi utölö lö ruru

Lirik Lagu Nias - SULÖ TÖLA NOSU

He ga’a si no uröi furi
Si so ba nahia wa’oriri
U’ila wa lö ö’alui zalahi
Me no faoma khöda wa’omasi 

si tebai taröi

Baloido baloido baloi
Honogö dödöu moroi furi
Aro dödöu zi no uzazi lö ubagi
Me haya’o khömö döla nosu si no ifili
He angi fa’ema khönia wangorisi
Waö khönia da’ibaloido wangawuli
He ga’a tödögu falukha ita zui
Ta fazazi fondragödö ba labuha angi

Lirik Lagu Nias - SALA AÖKÖ

Salö aökö wa’auri tou ba gulidanö

Fökhö mokhö ita la’alui wamökhö
Na numanda zui la’osiwawöi manö
Sala aökö hezo ta’iagö ba da’ö

Na abölö afökhö dödöra ba da’ö
Na amomo lawaö bodo niha da’ö
Na onekhe lasöbi tou gahe da’ö
Sala aökö hezo ta’iagö ba da’ö

Hadia menaö na so khöda
wa’omasi zikhö
La’uma nawöra na fasulö
Ba lö hadöi khöra tödö
fakhögu samanö
Ebua wahuwusara ba nawö

Lirik Lagu Nias - AMURI

Bulu geu satoru sifao ba nangi
Mofanö itöröi guli nasi
Muhombo lö sa’ae mangadrauli
Ahani lö sa’ae mangawuli
Amaedola ndraono si hasamösa
Lö awö ba lö göi talifusö
Lö satua sa so ndrorogö mboto
Andrö ilau mukoli ba zaröu

No simanö lala niha ba wa’auri
Hulö dambalou so möi yawa so möi tou
No simanö mbagia me ono sawuyu
Meno fangandrö me so ba dalu
Ulau halöwö fao hanuwe ba wanaha fa’olofo
He afökhö he manuköu utaha manö

Ba böi fakhölö öfaigi furi.. Böi aetu dödö aetu zinali
Otahögö föna ohe gamuri.. Irege ökhamö yevo nasi
Duma-duma niha gulidanö..
Saro si lö taya tötönafö
He moteu mosino ba molökhö
Itaha me so gohitö dödö

Lirik Lagu Nias - SAMÖSA LÖ SATULÖ

Harumani wa lö khöu famatimba
Wa lö khömö fangera-ngera
Na so zalagu khömö 

abua si’ai khöu wangefa’ö
Lö alio ataya na mofönu’ö

Na ufaehagö khömö nösi dödö
Oya khöu lala wamabörö
Lö u’ila ya’i da’ö ba utahö
Me so dödömö ba niha bö’ö
Samösa niha lö satulö ba gulidanö
Ha malaika zilö horö-horö
Tunö khögu hadia zabölö-bölö
Zalagu sitebai ö’efa’ö
Böi hadaö mbörö wabalisa omasi’ö