Lirik Lagu Nias - SURA UNDANGAN

Wa’asökhi haga mbawa ga’a
Hulö zikhalau si so ba koda
Yae dödögu mae solau owasa
Me mangawuliö ba khöda

Lö fakhamö möi urau danga
Öfaondragödo sura undangan
Wangombakha alua khöu gowasa
So dambalina mado Hia

Ogömi khögu danö
Hadia zala tuho dödö
Hatö fe’e fao tawa hörö
Hana ökhoi hunö dödö

Hulö zahani ba molö
Mböwö da sino numalö
Me no öhulö ginötö
Ölau mongambatö

Lirik Lagu Nias - HANU-HANUMÖ

No tafabu’u sa ba zilalö
Lö öröido ba lö göi uröi’ö
Lö samabali lö sangefaö
He ilau teu ilau lökhö
He atua mboto tanö

Salagu khöu na uhangöi’ö
Na itaria göi lö ö’o’ö
Hadia niwaögu khömö
Uwa’ö khöu daö
Enaö lö te’ala börö waomasigu khömö

Reff:

Ohahau dödögu na u’ila’ö
Hanu-hanumö hanu-hanugu
Hadia niwaömö niwaömö khögu
Ha u’o’ö

Lirik Lagu Nias - AMA LA’IZU

So niha sotöi ama la’izu
No tehöngö wa’ebua gelemu
Si no futu ba wanaha balatu
La hökha sarabu lö aetu..
La taba awai gitö baku
Mangandra-ngadrauli ba hulu

Fanaha ba fangöndru deu..
Fokasi mudo he fanimbu
Oi so khö namada ama la’izu
Ösi dangania na fatezu..
Ha ogamöta ba no aetu
Oi isösö rozi-rozi mbu

No ato niha zino ifeta’u..
Me lö ata’u ia doho balatu
Tema falukha ira nama gundru
Lalau fasile faudu afufu nama laizu

Taria usofu-sofu ba dödögu
Heza so so wa’asia gelemu
Me falukha ndrao khö nama gundru
Iwa’ö faöwa ia khögu
Da’ö fetua ha fahuwu

Lirik Lagu Nias - HA YA’UGÖ

Lö udöna-döna khöu ga’a
Mofanö’ö ba zaröu öröi ndrao
Afökhö sibai ba dödö
Hulö zilö ba dödömö
Wefao-faoda silalö

Akhigu sahilu ba dödö
Böi abakha’ö ba dödömö wofanögu
Me lö taya’ö ba dödögu
Ha ya’ugö nösi dödö gu

Talau fa’ohe tanga talau fawu’u li fazazi
Na faoma harazaki falukha ita sa’atö
Böi olifu sa’ita he no aröu fabali
So ndraugö so ndraodo ba dödögu ba dödömö
Ha ya’ugö nösi-ösi dödögu
Ha ya’ugö nösi-ösi dödögu

Lirik Lagu Nias - LÖ TÖTÖNAFÖ

Tobali dödö me so zangumaö so zamatunö
Mofökhö’ö abölö-bölö lö linga-linga dödö
Ufaöga hörö wangandrö
Ena’ö itolo Sokhö… he ama
Ya’o ba danö zotanö ba wamaha’ö

Lö sifakhamö molua-lua gohitö dödö
Mofanö’ö öröi gulidanö
Lö sa’ae mangona’ö ödari-dari fofanö
Ösawa mbawa lewatö he ama
Ha’ökhö möido ufatunö gabula dödö
Abua noro dödö me no ambö tödö
Me lö sa ya’ugö lö tötönafö
Amagu he ama marase
ba wangalui lala gaurifa
Alai na tobali lumana lala wa’aurima

Lirik Lagu Nias - FA’OMASI NINAGU

Hadia ube sulö wa’omasiu nagu
Hadia hadia ube’e khöu
Fa’amarase sino ötaögö nagu
Wondrorogöu ono sawuyu

Ötaögö lö mörö he manuköu nagu
Na örongo wege-egegu
Ölu’i ösakhe heza möi’ö nagu
Öfondri öfonukha öfaenu

Hiza me no ebua ndrao nagu
Oya gamuatagu zilö faudu
Lö u’o’ö hadia niwaömö khögu
Oroisa mö oi lö ba dödögu

Irugi inötö wofanögu nagu
Usawa nahia ni teheu khögu
Ba agandrö-ngandrö salahigu nagu
Enaö mofozu wongambatögu

Lirik Lagu Nias - LA’UA MANÖ

Aröu-röu ba dödö ero na uila’ö
Fao’ö ba niha bö’ö
No öwaö wa mobörö wu’usa li mö
Fa’omasimö lö irai ö’amualaigö ba niha bö’ö

Hana wa tebulö dödöu omasi’ö
Olifu’ö gangetulamö
Hadia zalagu khömö wa lö öfatunö
Na uangeragö lö manö irai ulau khöu zafökhö

Hadia duhu dödömö ölau’ö khi ba niha bö’ö
Lö manö famatimba khögu he tuho dödö
Khöu so dödömö era-eramö lö ua u’ila ufaso’ö
Awai zafatö dödö me lö hadöi khöu famatunö
Hulö na lö irai fahuwu ita ba zilalö
La’ua manö ubologö dödö matenga fangandrö

Lirik Lagu Nias - FABALISA

Ha ba dödö zi lö afökhö ba zi lö mudöna-dönö
Me lö ba dödöu fa’omasi öroi ndrao lö fangona
Sauli sa itörö tödögu bu’u liu sa ba zilalö
He alio ara öbaloi ndrao ni’omasiögu

Me’e khögu fao tawa hörö götö wabalisada
Ba ubaso föfö zuramö ni be’eu sa ba zilalö
Me öwaö khögu öfatunö lö ba dödöu niha bö’ö
No olifu’ö liu si no numalö he tuho dödö

Awaitö sa niwaögu khömö akhigu he no fabali
Ölau mofanö ya faoma tabe’e
Sa saohagölö wefaoda ba zi no numalö
Awaitö sa niwaögu khömö akhigu he no fabali
Ölau mofanö ya faoma tabe’e
Sa saohagölö wefaoda ba zi no numalö

Lirik Lagu Nias - OLIFU’Ö ZI NO TAZAZI

No nilau dödöda ba mböröta
No nilau dödöu ba wamobörö
Fahuwusada soroi ba dödö
Tenga ni o’ou niha bö’ö

Ha ba wofanögu wohalöwö
Mitema laeduru niha bö’ö
Olifu’ö zi no tafatunö
Olifu’ö zino tawa’ö

Hana manö wangera-ngerau tuho dödö
Hana manö so khöu wangiwa dödö
Afökhö afökhö na u’angeraigö
Me lö ba dödögu niha bö’ö

Fahuwusada si no numalö
Ya faoma tabe’e saohagölö
Yawara haniha tatahigö
Me tenga nahia tenga löfö

Lirik Lagu Nias - SI LÖ MUDÖNA-DÖNA

Akhigu ni’omasiögu
Hana lö ba dödöu liu sunumalö
Hiza na itörö tödögu
Wefaoda ba zino numalö
Lö nilaugu safökhö

Hiza ba zilö udöna-döna
Mofanö’ö lö mangona’ö
Öröi gabula dödöu khögu
Me lö ya’ugö sa ba ngaigu
Ba utaha utaögö

Ufabu’u lö niha bö’ö ba dödögu
Ha ya’ugö ni döna-dönagu
He no aröu’ö ba duduma hörö tuho dödö
No fondrege ahatö ba dödö

Utötöna angawuli
Ubase’ö we’asomö
Ta ozui gohitöda

Lirik Lagu Nias - ÖRÖI KHÖU MA’IFU DÖDÖMÖ

 

Hana hana ndraugö hulö no ragu-ragu manö
Hadia tola u’ila zalangu wangera-ngeramö

Böi alömö ndraugö nangi sitesao owöhö
Böi ibunu dödömö ba wehede si lö nga’ölö

Faigi haogö öfaigi ma atö ilau wesu mbagi
Hese haogö öhese ma no ihöna wesu gahe

Böi tekiko ndraugö ba wolohi lumö-lumö
Böi tema öduhugö böi horigö wa’abölö
Öröi khöu ma’ifu dödömö

Okhötamö ya’ia dödömö lö
sitola manga’i niha bö’ö
Örorogö ba amoni’ö ba böi ö
tehe-tehe manö
Öröi khöu ma’ifu dödömö

Lirik Lagu Nias - TENGA SINANGEA

 

Ha niha sa zangila wa tenga sinehe
alua gohitö dödöda
Me no öhaogö woangeraigö öröi
khögu zafökhö bakha ba dödö
Öröi ndrao ölau mofanö

Ya wara lö sa ö’ila dödögu khöu ba zilalö
Fefu ube’e khömö hadia zomasi dödömö
Tandra wa lö sa’ae tödögu ba niha bö’ö

Böi sa’ae fatahi khögu
Me no ötehe sa’ato salahi mbotogu
Tenga horögu tenga salagu

Hauga fakhe silalö udöna-döna wu’usa li mö
Me lö sa’ae itörö tödömö ya’o moroi furimö
Lö sa’ae ötötönafö ya’o u andrö
tayaigö ba dödö

Lirik Lagu Nias - BUSI-BUSI DÖDÖ

Busi-busi dödögu nakhi.. 

Zi no tawa’ö no tazazi
Tenga tenga lö ba dödögu nakhi
Na lö alua wa wu’usa li

A’oi mbawa aefa zi döfi..

Hulö urörö’ö ba wangifi
Aitö mbanua na ba zibongi
Simanö dödögu wa ogömi

O’ö o’ö li ndra amada nakhi
Me no latehe zame’e li
La’ua la’ua saohagölögu nakhi
Zi no ufalua fa’omasi

Ya’e hulu sonoro hadia wönu..
Na duhu ebe’e salagu
Ya’e dödögu zofu hadia ululu..
Na duhu ö andrö nosogu

Ba dödögu so göi gawökhu..
Awai’i tebai u’ohe fönu
Ube’e fondrara dödögu..
Me tenga nahia tenga tönu

 

Lirik Lagu Nias - SATUAGU NO MOFANÖ

Me ba mböröta me ide-idedo
Uzofu-zofu heza so satuagu so ono ya’o
Utöröi danö faföfö luo
wangalui ya’ugö he ama he ina
He zo manö ndraugö wa lö oroma’ö

Tokea dödögu me so zanguma’ö
Me la wa’ö khögu satuagu
no mofanö iröi gulidanö
Ha wa’asöndru bakha dödögu 

me urongo duriamö he ama he ina
Ha wa öröi ndrao ba wa’abu dödö

Hana hana ndraodo hana wa’aurigu
Me lö sa’ae samaeri sanuturu lala
Hulö wofo mbanua lö tatu dugela
Haökhö manö utou’ö utunö ngaro dödö

Lirik Lagu Nias - SÖKHI NA FABALI ITA

Tenga utunö waasöndru dödögu
Tenga ufatou hadia zalua khögu
Me no fondrege waafökhö
Hadia zi göna ya’o
Ha börö wolaumö

Na öbee tali waomasi zatuamö
He atua danö lö alua nikhoi dödö
Hadia na lö fa’edöna dödö
Sökhi na öröi ndrao
Utaögö he afökhö

Me no la ila waanumanagu
Tebai u ohahau’ö dödöra
O’ö li ndra satuada khömö
Böi fatö dödöra
Me da’ö zomasi ira
Ono si tehöngö si no mohalöwö
Moroi ötaögö waagafökhö
Sökhi na fabali ita
He ba dödögu afökhö

Lirik Lagu Nias - BANUA NI OMASI’ÖGU

Sagötö dödöda woangeragö
Ba wangeehaogö
Tanö niha, tanö omasi’ö
Me banuau, banuagu, banuada fefu
Ta faoma taehao, ta’azökhi

Taosaraö dödö osambua zöndra
Tafaohe tanga
Wangehao banua omasi’ö
Me waaoha noro nilului wahea
Waaoha noro nilului waoso

Tanö niha, tanö niomasiöda
Da ta ehao da ta faeze zikhala
Taheta ia moroi ba waafuriata
Tanö niha niomasiöda

Lirik Lagu Nias - UWAÖ NA SO GINÖTÖ

Lö uila ube khala-khala waomasigu khömö
Lö göi uila uwaö
Ösofu ba gawa kawa wa tola simanö
Ba lö la tema li mö

Uwaö menaö zambua li gu khömö
Ba lö fa’abölö
Laua uirö’ö manö ba dödö
Nahawa’ara uwaö na so ginötö

Hewa’ae no manö udölö ba lö uombakhaö
No ökhoi hunö dödö
Me no sa lala wangandrö ba uwaö ba da’ö
Fa’amateu danö

Enaö na no uwa’ö me lo da’ö
Hadia ube khömö
Laua uirö’ö manö ba dödö
Nahawaara uwaö naso ginötö

Lirik Lagu Nias - NO OLIFU’Ö ZAZIMÖ

Ero na tohare wa’ogömi
Uhasugödo ba gurusi
Itörö tödögu ndraugö ga’a
Owa’ö föna duduma hörögu

No utanögö bakha ba dödögu
Bu’usa liu ba zilalö
Wa ha ya’o khöu ga’a dötönafö
Lo faröi irugi sagötö tanö

Hiza me uila’ö fao’ö ba niha bö’ö
He ga’agu ha wa ölau zafökhö
No olifu’ö zazimö si no öfaehagö
Afökhö khögu ga’a wolaumö

(Duduuu…) ha wa ölau zimanö
(Duduuu…) ha wa ölau zafökhö

Lirik Lagu Nias - FA’OMASI SI LÖ AETU

No u’irö’ö ba dödögu wa’omasi
Lö muheu lö irai mangiwa he ilau angi
He oya wehede tobali fanaisi
Sedöna mondrönia’ö furi
Iba’agö hili he i’oto asi
Tödögu khömö lö fabali

Fanörö tödö ni be’e mö khögu nakhi
Ba no sa sihulö fetuagu wemöi mukoli
Ubali’ö öli simöi moni-moni
Ba wofo sedöna manaisi
Ubali’ö laso sabe’e sibai
Ba wangalui harazaki

Ukusi sa’ae dödögu no aro te’ai adudu
Ya’ugö si’ai utuyu ziagö ösi wa’aurigu
He döfi si tölu ribu ba lö sa fa’aföligu
Faomasigu lö aetu he sa mate dania mbotogu

Lirik Lagu Nias - NIHA SI NUMANA

 

Afatö dödögu ba li zatuamö
Lö latehedo möido umönö
Ebua waomasi fa’edöna dödö
Ha’uwa’ö me simanö, ha’öwa’ö

Hewisa lalagu me simanö da’ö
He ebunudo wangalui börö
He ulu’i wo’ömö ba gana’a mböwö
Nafao dödö zatuamö, ha lawa’ö:
bologö dödö

Ha’uwa’ö me simanö
He uwisa menaö ba wondrönisi tödöra
He ufondrege nalö fatehe
Hadia meno la’ila
Wa ya’o niha si numana
Wa ya’ö niha si tosasa

Lirik Lagu Nias - ÖRÖI NDRAO NIHA DANÖ

Föna mofanömö zilalö
Öfabu’u öbe wehedemö
Öbe ba durugu balaki
Tandra wa’omasiu si tebai fabali

Hiza meno mangawuli’ö
Me a’ozu gohitö dödö
Öröido niha danö
Möi’ö ösawa khöu niha bö’ö
Somasi dödömö

Lö lai’ö na lö ba dödö
Laua na lö fa’omasi
Böi fatunö böi obousi ba mbö’ö

Hadia lö sa’ae si sökhi ba dödöu
Öröido niha danö
Möi’ö ösawa khöu niha bö’ö
Somasi dödömö

Lirik Lagu Nias - TORÖI’Ö HE INA

Ya’odo ba mofanö he Ina
Ba ya’ugö toröi furi ba khöda
Hatö turiau nirongogu khömö
Na mofökhö ndraugö abölö-bölö

Mofanödo sifataula hörö
Ba alai na lö ukhamö nosomö
Haniha zanolo na mofökhö
Enoniu same ba mbawau idanö

Hatö howu-howu dötönafögu
Sitobali sulu wa’aurigu
Fefu ngawalö zalagu khöu inagu
U’andrö efa’ö saia khögu

Fefu ngawala wa’omasimö
Ba lö sulö si’oroi khö nonomö
Hatö fangandrö-ngandrö ba dödö
Ya’itolo ndraugö So’aya sokhö

Lirik Lagu Nias - UBALOI’Ö BA KOTA BA KOTASIBOLGA

Silö utötöna mege böröta
Ba gofanöwagu wanörö Sibolga
Falukha ita fao ba lala
Fahuwusada ba si lö ara

Lö uila hana tumbu ba mowa’a
Döla waomasi ba mbua wa’edöna
Salokha khi fabali ita
He ukaogö sadania afuriata

Sibolga… be’e duria si sökhi
Ö’ila ö’osisi meno yaugö lala zofanö ba sangawuli
Sibolga… hezo so khögu nakhi
Sino ara no uröi ba Sibolga da’a mege fabali

Notoröi dödögu, dödögu khöu nakhi
Ba kota Sibolga ufulido furi

Notoröi dödögu, dödögu khöu nakhi
Ba kota Sibolga möi u’alui-alui

Lirik Lagu Nias - MOWENGU-WENGU DALANGÖ

Ba hiza sitou nakhida ba luaha moro’ö
Ba uwai fenu sahani ba daelu nia ba wofanö

Mowengu-wengu dalangö mege-ege kifö-kifö
Hewisa wangai yaugö so gotaluada idanö

Tenga si’ai börö daelu mazui lega wofanö
Amuata nifai ba bua-bua nitöngöni

Ae ba faya mbu gariti faya mbu ni fabali
So gana’a so wirö öröi namau lö olohi

Tenga ae börö gana’a tenga göi börö wirö
Naha sanörö-nörö lö fa’edöna ba dödö

Ae ba he fofo usö hadia niera-eramö
Na kefe niandrömö yae lozigu gadegö

Ae ba he fune hawu no urongo ba ndraono
Mofanö’ö ba gomo öröido ba Pulau Telo

Ae ba mbua ziraya-raya ae ba mbua zöfö-söfö
Famakhai famakitö böwöda sino numalö

Lirik Lagu Nias - KOFE-KOFE

Ha uwaö khöu ba öwaö khögu ha uwaö khöu
Ba niwaöda no he akhigu
Me ha dödögu khöu me ö’ila ae fefu nösi-ösi dödögu
Fefaoda sa sino ara uwaö ba mböröta so waomasiu khögu
Afatö-fatö ba dödögu me awena uila ba urongo khöu
So niomasiöu ono zino molau faulu

He…
Na fao-fao ita ba lala si’ero maökhö
Uwai ba mböröta yaita dania si sara tödö
Ha…
Me urongo waomasiu ba niha bö’ö
Fa’afatö-fatö zalua bakha ba dödö
Wara hadia ube’e khöu me lö sitakile

Hu…ha…hu…ha

Na uila ba mböröta akhigu
Lö na uwaö khöu nösi-nösi dödögu
Ha….
La malö na’ae faomasiu khögu
Wara hadia ube’e sa menaö fefu
Me öila lö na’ai ösi kofe-kofe

Lirik Lagu Nias - HE BAWA

He bawa hagaini dödögu
Me faogömi nitaögögu
Lö utötöna alua fefu
Ha fege-ege zilö manö aetu

Madala örara dödögu
Me fa’asöndru nitaögögu
Lö hede-hedeu öröi ndrao
Ösawa mbanua so ahonoa

Hana wa simanö hana
Wa salua tenga fangifi
Hana wa ahulö sibai öröido
Lö fangombakha ba lö göi fangona

No ufabu’u ba no u’etu’ö
Lö manö ba dödö wangalui fangalimö
Faomasigu khömö lö mamalö
Irugi fa’amate

Lirik Lagu Nias - FEKOLI BA GULI DANÖ

Fekoli ba guli danö ba oi so wa’afökhö
Na lö mutörö zafökhö lö taila tawaö
Hili-hili bawa danö ba no taröi manö
He sa afökhö ta tarö börö gohitö dödö

No taila zilumana taila zoana’a
Lö amaehuta dödöra faoma so gera-era
Ha börö hare gokhöta ba niha so ana’a
Hiza ita menumana fohalöwö lö aefa

Hiza niha ba wa’auri lö tatu harazaki
Ba so möi föna toröi furi ba sifalali-lali
No aemadola wangifi ba tawai duhu sibai
Tawai sandrohu fa’auri so khöda harazaki

Böi halö töi esuanö we asoda ba danö
Böi faoma faabao dödö fefu niwaö-waö
Lö tatu mbawa inötö na taröi ulidanö
Hatö sa nukha nifaogö sa ba dete lewatö

Lirik Lagu Nias - BUA WAOMASI

Faböö tenga ba dete hili asio ba nasi
Hayae dödögu bakha ha siho
owökhi-wökhi
Uwai si forudu ita, ha si möi fabali

So sasi sofu ba riwi-riwi löfö-löfö zibongi
Awai gokhötagu nakhi ha bua waomasi

Hadia tola uzuzu ukhamö
yomo mbagi nora
Lafadöni gowasa sebua mate mbawi soya
Hayae dödögu bakha ha siho
owökhi-wökhi
Uwai si forudu ita, ha si möi fabali

Lirik Lagu Nias - HADIA MBÖRÖ

Hadia zala hadia horö wa ölau khögu zafökhö
Öbe ndrao abu dödö ba zilö uila mbörö
No adölö bakha dödögu wanema li mö
No adölö bakha dödögu wanema li mö

Uwai tenga sofönuö meöfahatö ndraugö
Ha wa omusö dödögu urau dangamö
Afatö siai dödögu me ötimba sa dangagu
Lö na öfaigi mbawa gu mofönuö khögu

Önönönö sa öbaliö ndrao so limo ndraugö
Faomasigu öbaliö samaala yaugö
Me so li niha nirongomö samabali yaita
Andrö öwaö sökhi na ölauö ba mböö

Hadia lö sala ndraugö ba wolaumö simanö
Hadia lö sala ndraugö ba gamautamö simanö
Hadia zala hadia horö wa lö öwaö öfatunö
Nösi dödömö nösi dödömö

Lirik Lagu Nias - BANUAGU TANÖ NIHA

Banuagu tanö niha si tumbu ya’o föna
Si no teturia gofu heza so niha
Moroi ba gatumbukha numalö gaekhula
Banuagu… banuagu tanö niha

Hili hili salawa nungo nidanö sebua
Asi sebolo samasui danö niha
Ondröita ndra ama sahöli dödöda
Banuagu banuagu tanö niha

Andrö zondröiniaö wamaigi-maigi tanöda
He tanö niha…

Fefu nono mbanua nia oi sangera-ngera
Wa meyawa töi danö niha
Lö malulu marorogö danö niha..ha…a
Hakhöu mabelegö ndrohu noso ba mbotoma
Khöu tanö niha…

Lirik Lagu Nias - TENGA SINEHE

Na ufahasudo itörö-törö sa tödögu
Ba wefaoda si no numalö wa’omasiu khögu
(Lö taya ba dödö, lö taya ba dödö)

Afatö dödögu me urongo so niha bö’ö
Same’e li ni tehe zatuamö banuada moroi siefo
(La be’edo nihalö, la be’edo nihalö)

No tebulö zi no tafabu’u me mböröta
Ba ginötö sekola ita
Hadia ulau me lö khögu sa fa’abölö
Lö sitama lö göi halöwö

Ha fangandrö zi tola ufalua
He owökhi he agafökhö
Böi busi dödöu ni törögu miföna
Me tenga sinehe wahuwusada

Ha tawa hörö nawögu ba wofanö-fanö
Lö u’ila manga lö u’ila mörö na ufaigi kodamö
(Si so ba mbagolö, si so ba mbagolö)

Lö sa usöndra niha bö’ö simane ya’ugö
Si fahuwu khöndra zatuagu ba talifusögu
(Lö ya’odo ba ngaimö, lö ya’odo ba ngaimö)

Link MP3 :

https://soundcloud.com/ben-lase/tenga-sinehe

Lirik Lagu Nias - TANÖ NIHA OMASIÖ

Tanö niha hulo ni omasi’ö
Oya zi sökhi fondröni dödö
No teturia ba no tehöngö
Ba zi sagörö uli danö

Ato zogamö ato zorugi tanö
Wamaigi naha sahöli dödö
Ondröita zatua si siwa götö
Aya-aya si ogötö’ö

Tanö niha sambua hulo ba gaekhula
Si no molua ba nasi sebolo
No mufaeri no muhaogö wendroro
Ondröita zatua si no te’olo

Oya nahia si sökhi fetaro
Adöni dödö zamondrongo

Lirik Lagu Nias - LUA-LUA MBÖWÖ SEBUA

Awai asio ama ba dölötölö raso nidanö
Maembo galitö wakhe fakhaitö owokhi na utölö
I’oroi iraono no mirorogo lö mitehe mofökhö
Me no ebua mi be nihalö mi be ono mbö’ö

Hatö ndrao ama ni fongambatö, hatö wa onomö
Möi ö be yawa mbosi zalawa, mbosi dalifusö
Me femondri mbolo newali waoya ndro mbawi
Baero gana’a ni bu’ugöu baero mböra ba goni

Laeduru, naya, ana’a nianötöigö khögu wangowasa
No ube sumange dome salua, no ube famu’a gefe sobunga
Me da’ö wozu lua-lua waomasimi khögu wamolua
Me mitulogö ba lauru gana’a, me mikhoi galogo mbawi sebua

Böi mifatahi ba khöma ama ina
Na möiga baomo lö hadöi niodöra
No aröröga ba wamu’ua fo’ömö sebua

Lirik Lagu Nias - NO ÖHAOGO WOFÖNU

Lö fa’afökhö dödögu
He wa’ae no aetu lö fozu wefaoda akhigu
Lö irai fagöna asese fatimba khöda
lala wangera-ngera
U ohe ba gatumbukha ba ö dönia’ö
ba gaekhula
Sitebai fahuwu aekhu möi fa’udu
Fabali fa we haru-haru

La’ua urara dödögu
So lulu zusua umbu nidanö fangokafu
Fa hana dödögu ba u sofu-sofu
hana simane wolau fönu
Sara ö bidi afogu töra mbetua ba abötu
Alimbadu danö awuwu nosogu
Ba nidanö mbanio fa’alangu

Ö bilö’ö hölu no ö bali’ö do udu
Hulu nalö huku ö wuwusi hulö wandru
Ha hörömö khögu atarö hulö wondraru
Hadia zalagu no ö haogö khögu wofönu

Lirik Lagu Nias - I N A

Hadia u be’e sulö wa omasimö khögu ina
No ö rorogö ndrao me sodo ba dalu, 

tumbu, irugi ma’ökhö
Ö taögö wa afökhö, fa’akao, fa’oriri
Enaö sökhi wa atumbugu
me ono fangali mbörö sisi

He u be’e khöu gana’a he u be’e khöu wirö
Aröu ambö ba zino ö falua khögu nagu
Duhu sa niwa’ö ba gamaedola
Faomasi ndraono ha sandrohu koya-koya
Me faomasi zatua fa’aröu lala tebai ni su’a

Meno ebua ndrao nagu hatö ya’ugö zatuagu
So lohe tangagu ba wanörö lalagu
U andrö bologö dödöu khögu
Ba gamuatagu si lö faudu
Angandrö-ngandrö salahigu enaö atulö lalagu
Angandrö-ngandrö salahigu
sökhi wozu wa’aurigu

Lirik Lagu Nias - ULIDANÖ

Möi sanörö ba gulidanö.. 
Darua möi ia na inötö
Amaedola mbunga wa’aleu..
Andrö böi lau zilö faudu

He… ulidanö nahia wa’auri
He… ulidanö nahia wanörö
Na so noso ba mbotoda.. 
Na lö inötö wogaoni
Möi ba danö khö zokhö ya’ita

Faohahau oriri dödö..
Darua möi ia na fabali
Möi ba naha ba wa’ahono dödö
Na taröi ia ulidanö

He… ulidanö nahia wa’auri
He… ulidanö nahia wanörö
Na so noso ba mbotoda..
Na lö inötö wogaoni
Mangawuli khö Zo’aya Lawa

Lirik Lagu Nias - TÖTÖNAFÖGU

Si no amaedola wa’atumbu luo
Na ba zihulö wongi
Awena na’i ihagaini
No ogömi me ilau angi

Si manö sa zalua khömö nakhi
Awena na’i dua wongi
Me uwa’ö khöu wa’omasi
No olifu’ö zi no tazazi

Tötönafögu khöu he akhi
Hadia a’ozu tafalua wa’omasi
Böi be ndrao ba zibasaki
Fatunö manö na löu khöu fa’omasi

Hulö dundraha sangawuli furi
Si tebai manösö ba lulu nasi
Si manö sa’ae dödögu akhi
Me fa’omasimö tebai ugohi

Lirik Lagu Nias - OMO BANTUAN

Lö fakhamö ufalua, Möido khömö famatua
No tumbu ba dödöu khögu.. Wa’asiliawa

Aoha nitaba mbalatu..
Mbagigu börö wa’aila
Me öwa’ö lö mörö’ö.. Ba nomo bantuan

Awena taraso khi.. Me ufakhölödo furi
Tebai tambali nono matiri..
Ya’odo niha kuli
Saitö ba zino oriri..
Hatö fa’atua danö nibaloi

Haniha utahigö.. Me fefu no numalö
Laeduru ni be’egu.. Lö utörö tödö
Me fa’ami wawayasö..
Wa’omasiu tuho dödö
Ahou zamö’i hörö.. No asönö

Lirik Lagu Nias - HAPE NOKIA

Itaria mobekhudo ba lagu-lagumö
Hadia masu aka ua da’ö
Öwaö wo wöli hapemö
Oi merek nokia zomasi’ö
Si fake kamera siringamö
Alai akhigu, alai na tekiko’ö

Itaria mobekhudo balagu-lagumö
Haogö ua haogö angeragö
Akhi omasi’ö Onoda no farege
Arakhagö sambua döfi
Sumaösö khöu ua nakhi
Wo wöli hapemö

Tenga lö omasido Na mo hape ndraugö
Sambua perkembangan göi da’ö Akhi omasi’ö

Tötönafögu khömö Baloi ua ginötö
Böi hulö zi fagohi Ba dete wönö

Lirik Lagu Nias - TENGA SALAMÖ

Tenga salamö me öröi ndrao ölau mofanö
Ösawa danö saröu siefo nasi
Wogamö ohitö

Utötöna böi olifu’ö mbu’usa li mö
No hauga fakhe ubaloi ubase’e
Lö turia öfaohe’ö

Ölau mofanö ya’o furi ba mo abula dödö
U’alui’ö utöröi danö lö ukhamö-khamö
Ba na tebai u’ila khala-khalamö
He haturiau öfaohe’ö
Ba na tebai u’ila khala-khalamö
He haturiau öfaohe’ö

Lirik Lagu Nias - ZUZUMÖ

Öröi ndrao ölau mofanö
Ösawa ba niha bö’ö
Ba dödögu öröi zuzumö
Me awai sa’ae wa omasimö

Buusa liu no ube ba dödö
Me öwaö wa omasiu khögu
Bakha ba dödögu uwai yaia manö
No tobali fökhö ba gera-eragu

Reff:

Na utötöna ba mböröta
So ba dödöu niha bö’ö
Tunö khögu horö na utimbagö
Ulau sa’ae mofanö usawa danö saröu
Wa nayaigö ya’ugö ba dödögu

Lirik Lagu Nias - UMBU KHÖGU IDANÖ

Afökhö wo angeraigö 
waaurigu sa sero maökhö
Heza usawa lö same lala dödö
Talifusö no la erogö manö

Satuagu itörö tödö
Ara meno la röi guli danö
Lö sangumaö same lala halöwö
Lö ara ulau mee manö
 

Reff : 

Umbu khögu idanö
Heza manö göi so’ö
So’ö ba mbanua omasi’ö
Itörö tödögu ndraugö

Ubuaö gahegu wofanö
Ba wangalui soguna maökhö
Lö sangumaö same lala halöwö
Lö ara ulau mee manö

Link MP3:

https://soundcloud.com/ben-lase/umbu-gogu-idano

Lirik Lagu Nias - ASÖNDRU

Na uofanö fangera-ngeragu
Wa’akao si no ötaögö nagu
Me siwa wawa yaodo ba dalu
He agafökhö lö öfatou

Ba meno tumbu öhaogö wamaenu
Heza möi ölu’i ba hulu
He wa’ae mofökhö ba lö ölulu
Na mee khöu nono sawuyu

Reff:

Hiza meno ebua ndrao nagu
Amuatagu oya zi lö faudu
Oi lö u’o’ö fönumö ba khögu
Fatobali sökhi wozugu

Ha ube sulö waomasiu nagu
Hawaerege dödöu khögu
Angandröwagu ba böi ohe fönu
Ufuli maniasa asöndru

Lirik Lagu Nias - NAGOYO MANASE

Nagoyo manase sise-ise bawa
Ba sanau ikhu ba sanau kaewa
Ihuwai nidanö ihuwaini mbombo
Wangalui önia ba ono guro

Lö’u lö’a lö’u lö’a lö’u lö’a
Akaewa-kaewa
Ha ha ha ha…
Isöndra gö nia

Lirik Lagu Nias - HA YA'UGO

No'ufabu'u ba dodogu
walo todogu kho niha bo'o
he oya daha-taha simoi famatimba
no'u'osambalo'o dodogu

He ilau teu ilau lokho
he ilau mbade he duru dano
lo sa'ae todogu ba niha bo'o
ha ya'ugo khogu tuho dodo

Ref:
Faduhu sibai bakha ba dodogu
walo olifu'o mbu'usa limo
ya lo tebulo-bulo wa'omasimo khogu
simane wa'omasigu khomo
ya lo tebulo-bulo wa'omasimo khogu
simane wa'omasigu khomo

Lirik Lagu Nias - ULAU MOLOYO

Samuza luo ulau moloyo
Ba dalu nasi no so ndra'o.
Ba lö u'ila, hadia zalua khögu misa.
Na ba zibongi tohare nangi
Heza manö u'amurisi
Na lö u'ila, hatö fe'e sa zalua baeha.

Ref.
Na sökhi nasi, omuso dodo, ulau ma'iki
Ohitö dödö to'ele ba duduma hörö – sabölö!
Na ba zi bongi tohare nangi
Heza manö u'amurisi?
Na lö u'ila, hatö fe'e sa zalua baeha.

U'alukhaisi usawa zaota
Ba mbanua so'ahonoa.
Urugi danö, samösa lö sangondrasi.
Uhasugödo wangera-ngera
Ha khö manö möido usawa?
Onala dödö, hatö fe'e sa zalua baeha.

Ref.
Ufarögado, u'ila mbawa awö ndröfi
Hatö ya'ira khögu wondrara dödö – sabölö!
Uhasugödo wangera-ngera,
Ha khö manö möido usawa?
Onala dödö, hatö fe'e sa zalua baeha.

Lirik Lagu Nias - TENGA SALAMÖ

Tenga salamö me öröi ndrao

ölau mofanö

Ösawa danö saröu siefo nasi

Wogamö ohitö

Utötöna böi olifu'ö mbu'usa li mö
No hauga fakhe ubaloi ubase'e
Lö turia öfaohe'ö
Ölau mofanö ya'o furi
ba mo abula dödö

U'alui'ö utöröi danö
lö ukhamö-khamö
Ba na tebai u'ila khala-khalamö
He haturiau öfaohe'ö

Lirik Lagu Nias - TELEFONMÕ

Ambõ sara wawa tõra samigu
Ndrege obe omuso dõdõgu
Lõ ubini'õ zalua khõgu
Tõimõ taria alua ba mbewegu

Uwai mõi fangaro wahuwusada
Ba telefonmõ bongi Salasa
Owa'õ liu wangombakha
No õsõndra wangaligu ba kota Medan

Ref:
He na uteu mbagigu
Lõ duhu, laedurunia ifuli khõu
He na mõido ba dõdõu
Obaliõ fango'ayau wenguwengugu

Akha õ'ila i wa'omasigu khõmõ
Abõlõ moroi ba molõ
Tõra moroi ba luo zima'õkhõ
Ha tõ famalikhõ khõgu lualua dõdõ
Ba nõsi telefonmõ, he sms-mõ
Me no ilangui dõdõ

Lirik Lagu Nias - SO NONO MANUGU

So nono manugu
Nibe zibayagu
Ono manu meda
Si gariti bu
Ha sihulöwongi
la'andrö saribu
Ha tanö'owi
Ba utaba diwogu….

Ref.
Ba he'uwisa wemanga
Ube nasio
Ba lö lada…

Lirik Lagu Nias - SILIWI GOWI

No utöröi mbanua ufaigi-faigi
Samösa lö si faudu si fakhili
Moroi ba dödögu ulau wamaigi
Ya'ugö, nakhi, Siliwi gowi.

Ba he ha gowi-gowi ba wamaigi
He fefu nösimö a'oi afusi,
Moroi si ai ba dödö wa'omasi
Ya'ugö nakhi Siliwi gowi.

Ref.
Sökhi li, sökhi li, sökhi li
Sökhi ziliwi gowi.
Sökhi li, sökhi li, sökhi li
Sökhi ziliwi gowi.

Lagu: Obladi, oblada – The Beatles
Band Simaenaria 1973